Register da la resalva da proprietad (art.715 ccf)

Cun la inscripziun dal contract en il Register da la resalva da proprietad vegn la transiziun da la proprietad dad ina chaussa da cumpra sin il cumprader impedida. Ins sa sulettamain inscriver contracts en il register da resalva da proprietad, che cuntegnan la transiziun da la proprietad da chaussas moviblas. La dumonda da l'inscripziun da la resalva da proprietad vegn tschentada agl uffizi da scussiun al lieu da domicil dal cumprader. La dumonda sa resultar a scrit u a bucca. Cun questa dumonda é il contract original u ina copia legalisada dad inoltrar. Il contract sto inditgar suandont:

A. Tar in contract cun ina cunvegnientscha da resalva da proprietad, che vala betg sut la lescha davart credits da consum:

Num, lieu da domicil e professiun dal cumprader, dal vendider, sco era cedents pussaivels;

• Ina denominaziun execta da la chaussa da cumpra;
• Il lieu da la chaussa da cumpra;
• Il pretsch da cumpra ed il pretsch che é da pajar en connex cun il contract da credit;
• La summa dal aquint pussaivel;
• La cunvegnientscha da la resalva da proprietad;
• Lieu e data da la conclusiun dal contract;
• La suttascripziun giuridicamain valaivla dal cuntract tras il cumprader ed il vendider;

B. Tar in contract da credits da consum en il senn dad art. 10 da la lescha davart credits da consum, supplementarmain;

• Ils nums dals possesurs da la chaussa da cumpra e las cundiziuns da midada da possesur;
• L'indicaziun dal dretg da revocaziun dal cumprader tenor art. 16 da la lescha davart credits da consum;
• Il certificat separat dal cumprader, ch'el ha survegni entaifer minimum siat dis ina copia dal cuntract suttascrit e ch'el na ha betg anullà il cuntract entaifer quest temp;
• L'indicaziun da la part sequestrabla da la paja, tenor l'examinaziun da creditaivladad;

Betg sut la lescha davart credits da consum croda suandont:

• Contracts cun persunas, che én vegnir fatgs cun finamiras professiunalas u commerzialas;
• Contracts cun persunas giuridicas sco debitur;
• Contracts da credit cun pegn immobigliar u autras segirezzas;
• Credits senza tschains u taxas;
• Contracts da credit, senza tschains, sche il credit vegn pajà anavos en ina giada;
• Contracts da credits meins che 500 Francs svizzers u dapli che 80'000 francs svizzers;
• Contracts da credits, che ston vegnir pajà entaifer sin il pli trais mais u betg pli bler che quatter ratas entaifer sin il pli dudesch mais.

Il contract original u ina copia legalisada, sco era il certificat e la dumonda restan tar igl uffizi da scussiun.

La definiziun decisiva sa chattan en il reglament pertuccond la resalva da proprietad SR.2111.413.1 ed en la lescha federala sur da la lescha davart credits da consum SR 221.214.1.