Cussegliaziun giuridica

Ina cussegliaziun giuridica gratuita da las autoritads da mediaziun spezialisadas

En il sectur da la locaziun e da la fittanza da locals d'abitar e locals commerzials, sco era quai che pertutga dumondas d'egualitad è l'autoritad da mediaziun spezialisada correspundenta a medem temp era l'uffizi da consulenza giuridica (art. 201 al. 1 ed art. 200 CPC). En quests secturs cusseglia ella gratuitamain en dumondas da dretg. L'autoritad da mediaziun spezialisada serva mintgamai da princip sco adressa da contact. Las suandantas regiuns han surdà la cussegliaziun giuridica per objects da locaziun a partenaris externs u han numers da telefon spezials (cf. autoritads da mediaziun per dumondas da locaziun):

Advocatas ed advocats

La Federaziun grischuna d'advocatas e d'advocats administrescha en quatter regiuns dal Chantun posts per infurmaziuns da dretg. Per ina contribuziun a las spesas da CHF 10.00 per 15 minutas fan advocatas ed advocats in'emprima valitaziun da las circumstanzas e da la situaziun giuridica.

Ulteriurs posts da consultaziun ed autras infurmaziuns

Locaziun e fittanza:

» Associaziun grischuna da las locatarias e dals locataris (MV GR) (mo per tudestg)

» Associaziun grischuna dals proprietaris da chasas (HEV GR) (mo per tudestg)

Egualitad:

» Post da stab per l'egualitad da las schanzas

» Conferenza Svizra dals posts da mediaziun tenor la lescha d'egualitad (mo per tudestg e franzos)

» Project da la Svizra tudestga "Entscheide nach Gleichstellungsgesetz" (mo per tudestg)

Costataziun da donns da l'abitaziun

Las autoritads da mediaziun per dumondas da locaziun na sun betg cumpetentas da far costataziuns da donns da l'abitaziun. L'associaziun grischuna da las locatarias e dals locataris (MV GR) e l'associaziun grischuna dals proprietaris da chasas (HEV GR) mettan dentant a disposiziun listas da experts a quels s'adressar.