Autoritad chantunala da mediaziun per dumondas d'egualitad
L’autoritad da mediaziun per dumondas d’egualitad è vegnida elegida fin ussa sco autoritad chantunala dal Grond cussegl per la durada da quatter onns. Quai è stà il cas la davosa giada per la perioda d’uffizi 2025-2028. Tenor il UGD revidì vegn la Dretgira superiura ad esser l’autoritad electorala (art. 93 UGD). L’autoritad da mediaziun per dumondas d’egualitad è cumponida pariteticamain (art. 200 al. 2 CPC) e consista d’ina presidenta u d’in president cun substituziun, d’ina represchentanza da la patruna u dal patrun da lavur cun substituziun sco er d’ina represchentanza da la lavuranta u dal lavurant cun substituziun (art. 92 UGD). Ella è responsabla per conflicts tenor la Lescha federala davart l'egualitad da dunna ed um dals 24 da mars 1995 (Lescha d'egualitad, LEg; CS 151.1).
Contact e lieu
Autoritad da mediaziun per dumondas d'egualitad
c/o Dretgira superiura
Obere Plessurstrasse 1
7000 Cuira
Tel. +41 81 257 59 00