Infurmaziuns generalas
Princip: procedura da mediaziun obligatorica
Tenor la procedura civila sto per regla vegnir manada tras ina procedura da mediaziun avant che inoltrar in plant avant la dretgira civila (artt. 197 ss. CPC). Per quella èn cumpetentas uschenumnadas autoritads da mediaziun. En general vegnan ils parsuras da talas autoritads numnads mediaturs.
Excepziuns
En ils cas numnads en l'art. 199 CPC pon las partidas desister d'ina procedura da mediaziun. En ils cas previs en l'art. 198 CPC n'è en general betg necessaria ina mediaziun. Tranter auter èn quai surtut ils suandants cas impurtants:
- proceduras per la protecziun da la lètg e da divorzi
- scumonds giudizials (pli baud scumonds uffizials)
- mesiras preventivas (p.ex. registraziuns provisoricas da dretgs da pegn immobigliar)
- averturas da dretg en cas da scussiunsexecuziun da decisiuns
Las autoritads da mediaziun en il Grischun
En il Chantun Grischun datti trais differentas autoritads da mediaziun (art. 3 LItCPC).
- Ufizzis da mediaziun (1 per regiun)
- Autoritads da mediaziun per dumondas da locaziun (1 per regiun)
- Autoritad chantunala da mediaziun per dumondas d'egualitad
Per la divisiun dil Chantun en regiuns vesair la pagina da las dretgiras regiunalas.