Wappen Graubünden

Justiz Graubünden

Giustia dal Grischun

Giustizia dei Grigioni

Maletg simbolic: dar ils mauns da dus umens

Mediaziun

Enstagl d'ina procedura giudiziala pon ins reglar conflicts en ina mediaziun, sche tut las persunas participadas è perencletg.

La mediaziun è ina furma renconuschida e paschaivla per schliar conflicts ch'è en tscherts contexts era francada en il cudesch da procedura civila. (art. 213 ss. ZPO)

 

En ina mediaziun chattan las persunas participadas cun agid d’ina persuna neutrala e scolada (mediatur:a) ina reglamentaziun concludida e giuridicamain valaivla per lur conflict. I vegn tschertgà ina soluziun optimala per tut las persunas participadas considerond ils interess vicendaivels.

 

Mediaziuns èn generalmain adattadas per tut ils conflicts. Avantatgs porscha ina mediaziun surtut tar conflicts pertutgant il dretg da famiglia, dispitas tranter vischins ed en il context da lavur, damai che las persunas participadas ston vegnir vinavant perina. En fatgs da famiglia san  ils uffants vegnir distgargiats.


Bun da savair

Ina mediaziun dura normalmain in pèr paucas sesidas e custa mo ina part d’ina procedura giudiziala lunga e dispitaivla.

 

L’access è fitg simpel: èn tut las persunas participadas perencletg, ston ins mo fixar in termin cun in persuna da mediaziun.

 

Dovri arranschaments che pertutgan uffants minorens, dastga la dretgira intimar ils geniturs d'empruvar ina mediaziun; tar problems finanzials han ils geniturs il dretg sin ina mediaziun gratuita (art. 297 ed art. 218 par. 2 ZPO).


Ulteriuras infurmaziuns

Ulteriuras infurmaziuns davart ina mediaziun chat'ins sin il fegl d’infurmaziun. Ultra da quai porscha la IG Mediation Graubünden sin sia pagina d'internet ina glista da mediatura:s cun ina scolaziun renconuschida, sco era ulteriuras infurmaziuns ed agid tar dumondas areguard ina mediaziun.

Ensi