Wappen Graubünden

Justiz Graubünden

Giustia dal Grischun

Giustizia dei Grigioni

Maletg simbolic: maun femna scriva en agenda cun stilograf

Custs

Tenor l'art. 95 CPC sa cumponan ils custs da process dals custs da dretgira e da l'indemnisaziun da la partida (al. 1). Ils custs da dretgira cumpiglian las pauschalas per la procedura da mediaziun resp. las pauschalas per la decisiun (taxa da decisiun) e, sche necessari, ils custs da l'argumentaziun e da la translaziun (al. 2). Las pauschalas vegnan fixadas a basa da las expensas, da l'interess e da la situaziun economica da la persuna obligada da surpigliar ils custs (art. 15 al. 2 LItCPC).

Custs da dretgira

La Dretgira chantunala dal Grischun ha fixà las pauschalas correspundentas en l'OTDPC. La taxa pauschala per la procedura da mediaziun munta a CHF 100.00 fin CHF 500.00. Vegn relaschada ina decisiun u vegn acceptada ina proposta da sentenzia munta la taxa a CHF 300.00 fin CHF 3000.00. Per proceduras cun spezialmain bleras expensas po la taxa vegnir augmentada a fin il dubel da la taxa maximala (art. 2 OTDPC).

 

Tranter auter en cas da las suandantas dispitas na vegnan fixads nagins custs da dretgira da las autoritads da mediaziun, uschenavant ch'i na vegn betg relaschada ina proposta da sentenzia u prendida ina decisiun (art. 113 al. 2 CPC):

  • tenor la Lescha d'egualitad
  • da locaziun u fittanza da locals d'abitar e locals commerzials sco era da fittanza agricula
  • da la relaziun da lavur en cas d'ina valur en lita da fin CHF 30'000.00
  • d'assicuranzas supplementaras a l'assicuranza da malsauns sociala tenor LAMal (disponibla mo en tudestg e talian)

 

Persunas che na disponan betg dals meds necessaris e che na tschentan betg ina pretaisa da dretg invana, pon dumandar giurisdicziun gratuita. Per la decisiun è responsabla la parsura resp. responsabel il parsura da la dretgira regiunala respectiva (art. 12 al. 1 LItCPC). Per ulteriuras infurmaziuns vesair la pagina da la Dretgira chantunala.

L'indemnisaziun da la partida

En la procedura da mediaziun na vegnan fixadas naginas indemnisaziuns da la partida (art. 113 al. 1 CPC), uschenavant che na vegn betg relaschada ina proposta da sentenzia u prendida ina decisiun.

Ensi