Wappen Graubünden

Justiz Graubünden

Giustia dal Grischun

Giustizia dei Grigioni

Maletg simbolic: agenda, stilograf e gasetta

Infurmaziuns

Cumissiun da surveglianza davart ils advocats |

A partir dal 1. da schaner 2021 appartegna la Cumissiun da surveglianza davart las advocatas ed ils advocats administrativamain a la Dretgira administrativa.

Nova retschertga sentenzias |

La retschertga sentenzias da la Dretgira chantunala e da la Dretgira administrativa è stada remplazzada dad in nov product. La versiun in talian, cun in'interfatscha d'utilisader ed in'identificaziun da normas e giurisprudenza in lingua taliana, è actualmain en svilup e vegn ad esser disponibla proximamain.

» Retschertga sentenzias

Communicaziun a las medias |

Nagina discriminaziun da pèrs maridads en il chantun Grischun – favurisaziun anticonstituziunala da persunas ch'educheschan sulettas en il dretg fiscal chantunal

» Communicaziun a las medias

» Urteil/Sentenzia/Sentenza A 19 13

Taglia sin la plivalur ed indemnisaziun dalla partida |

Cun la decisiun R 14 87 dals 12 da matg  2015 ha la Dretgira administrativa dal chantun Grischun giuditgà ch'ina partida obligada da pajar taglia sin la plivalur che ha pajà ina tala sin l'onurari da sia advocata/ses advocat, po deducir lezza sco taglia preliminara da ses agen rendaquint da taglia sin la plivalur. Questa partida na subescha perquai nagin donn (supplementar) pervia da la taglia sin la plivalur. Ad ina partida gudagnanta obligada da pajar taglia sin la plivalur vegn per consequenza betg pli accordada la taglia sin la plivalur sin l'indemnisaziun dals custs da process, nun che las advocatas/ils advocats demussian che las partidas represchentadas dad ellas/els na ston betg pajar taglia sin la plivalur per lur prestaziuns resp. che las partidas n'han nagin dretg da far valair ina deducziun da taglia preliminara areguard la taglia sin la plivalur per las prestaziuns da las advocatas/dals advocats. Sch'il dretg a la deducziun da taglia preliminara manca, ston las represchentantas legalas/ils represchentants legals inoltrar ina glista d'onuraris separada per cas da l'onn passà u cas pli vegls che vegnan terminads il 2018. Per prestaziuns fin il 2017 vala ina tariffa da la taglia sin la plivalur dad 8% e per lavurs dal 2018 ina da 7.7%.

Fixaziun da l'indemnisaziun extragiudiziala/midada da la pratica |

Tenor l'art. 4 da l'Ordinaziun davart la calculaziun da l'onurari da las advocatas e dals advocats (ordinaziun d'onurari, OCO; DG 310.250) ston las partidas inoltrar al cumenzament da la procedura ina cunvegna d'onurari cumpletta e suttascritta. Sch'els tralaschan quai, po l'instanza giuditganta desister da consultar il quint da l'advocata u da l'advocat, cura ch'ella fixescha l'indemnisaziun da partida.

Tenor la pratica vertenta è la Dretgira administrativa mintgamai sa basada, en cas ch'il quint da l'advocata u da l'advocat è vegnì consultà per fixar l'indemnnisaziun da partida malgrà la mancanza d'ina cunvegna d'onurari, sin las tariffas per ura fatgas valair en la nota da custs, uschenavant ch'ellas na surpassavan betg il rom fixà en l'art. 3 al. 1 OCO da CHF 210.00 fin e cun CHF 270.00.

Ils 5 da settember 2017 a Dretgira administrativa ha concludì la suandanta midada da la pratica per fixar las indemnisaziuns extragiudizialas (cf. era la sentenzia da la Dretgira administrativa R 17 64 dals 28 d'avust 2018 consid. 3.1 cun renviament a la sentenzia U 16 92 dals 25 d'october 2017 consid. 13.b; per la pratica da la Dretgira chantunala cf. tranter bleras la sentenzia ZK1 10 27 dals 17 da december 2010 consid. 4 e 7 sco era la pli recenta sentenzia ZK1 18 87 dals 30 d'avust 2018 consid. 2):

En cas ch'ina cunvegna d'onurari vegn inoltrada:

  • sch'i vegn fatg valair en la nota da custs ina tariffa per ura da passa CHF 270.00, vegn quella scursanida sin CHF 270.00,
  • sch'i vegn fatg valair en la nota da custs ina tariffa per ura fin e cun CHF 270.00, vegn la tariffa per ura surpigliada tenor la cunvegna d'onurari.

En cas ch'ina cunvegna d'onurari na vegn betg inoltrada:

  • i vegn surpiglià la tariffa per ura fatga valair en la nota da custs, maximalmain dentant ina tariffa per ura da CHF 240.00.

Spesas pauschalas fatgas valair vegnan concedidas a basa dal temp impundì maximalmain en la dimensiun da 3% da l'onurari fixà.

Questa pratica vala a partir d'immediat, era per tut ils cas pendents.

Ensi