Pressa/Medias
Collavuraturas e collavuraturs da medias ston avair in’admissiun. L’accreditaziun generala per tut las dretgiras dal Grischun vegn concedida da la Dretgira superiura; per l’accreditaziun a singulas sesidas è la presidenta u il president respectiv responsabel.
Il formular "Decleraziun concernent las obligaziuns da collavuraturas e collavuraturs da medias accreditads" sto vegnir sutsegnà.
In fegl d’infurmaziun per las rapportadras ed ils rapportaders da la dretgira en il chantun Grischun infurmescha ultra da quai davart ils dretgs e las obligaziuns. El sa basa sin l’Ordinaziun davart l’infurmaziun da la publicitad tras las autoritads giudizialas (OIP; DG 173.520) ch’è en vigur dapi il schaner 2025.
Avant la tractativa na vegnan da princip dadas naginas autras infurmaziuns che quellas ch'èn cuntegnidas en chaussa en la glista da las sessiuns. En chaussas penalas vegnan consegnadas sin dumonda l'acta d'accusaziun e las sentenzias pronunziadas en chaussa. En cas d’interess spezial u d’ina purtada particulara pon vegnir dumandadas indicaziuns pli precisas a la presidenta u al president sur il post da medias. Suenter la tractativa dat da princip mo la parsura u il parsura da la tractativa giudiziala correspundenta infurmaziuns.
En l'entir edifizi da dretgira ed en las salas da dretgira vala in scumond absolut da far registraziuns visualas e sonoras.
Spazi reservà als schurnalists
Contact
Incumbensà per l’infurmaziun da las dretgiras dal Grischun:
medien.og(at)gr.ch, 081 257 36 85