Tractativas
Tenor l'art. 30 al. 3 Cst. èn tractativas davant dretgira per regla publicas. Debattas giudizialas avertas a la publicitad pon perquai vegnir visitadas da persunas singulas da principi adina e senza preannunzia.
Impurtant è: En l’entir palaz da giustia ed en las salas da dretgira èsi scumandà da far registraziuns visualas e sonoras.
Glista da las tractativas accessiblas al public
Senza autras indicaziuns han las proceduras giuridicas avertas per la publicitad adina lieu a la sedia da la dretgira, Grabenstrasse 30 a Cuira. Quai cun resalva d’annullaziun u da suspensiuns da tractativas er a curta vista.
Pressa / medias accreditadas
Per la pressa e las medias accreditadas èsi endrizzà in access separà a las glistas da las sessiuns cun infurmaziuns pli detagliadas davart las tractativas.
Gruppas
Ord motivs organisatorics ston gruppas da visitaders s'annunziar per la visita d’ina tractativa davant dretgira.