Incumbensas
La Dretgira superiura dal chantun Grischun è naschida al cumenzament dal 2025 da la reuniun da la Dretgira chantunala e la Dretgira administrativa. Ella furma l’autoritad giudiziala suprema dal Grischun en ils secturs da la giurisdicziun civila e penala sco er dal dretg da scussiun e da concurs. A la Dretgira superiura è ultra da quai attribuida la giurisdicziun constituziunala, administrativa e d’assicuranza sociala en il chantun Grischun. La dretgira è en quest reguard activa surtut sco instanza da meds legals ed ha en pli la surveglianza da l’administraziun giudiziala da las autoritads che l’èn suttamessas. Sco mintga dretgira decida la Dretgira superiura independentamain e n’è suttamessa a naginas directivas d’auters organs dal stadi.