Incumbensas da las dretgiras regiunalas
Las dretgiras regiunalas dal chantun Grischun èn responsablas per la giurisdicziun d'emprima instanza en las domenas dal dretg civil, dretg penal, dretg da scussiun e dretg da concurs ed èn areguard lur cumpetenza da giurisdicziun – cun resalva da decisiuns da refusaziun dal Chantun resp. dal Tribunal federal en proceduras da meds legals – absolutamain autonomas ed obligadas mo a la lescha. Unicamain sin plaun administrativ exercitescha la Dretgira chantunala dal Grischun ina funcziun da surveglianza. Questa dretgira è l'autoritad giudiziala da segunda instanza ed uschia l'autoritad giudiziala en davosa instanza dal Chantun.
Qua ina survista generala e betg finala dals champs d'incumbensa concrets da las dretgiras regiunalas dal Grischun:
Fatgs civils
- Dretg da persunas
- Dretg matrimonial (en emprima lingia protecziun da la lètg e procedura da divorzi)
- Dretg da famiglia
- Dretg d'ierta (tranter auter er attests d'ierta ed averturas da testaments)
- Dretg real
- Dretg da locaziun e da fittanza
- Dretg da lavur
- Ulteriur dretg da contracts
- Dretg da societads
- Decrets da scumonds giudizials (pli baud scumonds uffizials)
Dretg da scussiun e da concurs
- Decisiuns da concurs (avertura, revocaziun, conclusiun, etc.)
- Procedura d'avertura da dretg (avertura da dretg definitiva e provisorica)
- Decisiuns d'arrest
- Opposiziun per mancanza d'ina nova facultad
- Rectificaziun dals debits en enclegientscha (prorogaziun)
- Procedura tar moratoris (permissiun/conferma accumodament)
Dretg penal
- Fatgs penals (engol, blessura corporala, cuntravenziuns a la lescha davart il traffic sin via, etc.)
- Dretg penal per giuvenils
- Cuntravenziuns da scumonds giudizials (pli baud scumonds uffizials)
Quests e numerus auters champs d'incumbensas da las dretgiras regiunalas dal Grischun sa resultan da las disposiziuns legalas respectivas ed èn en pli visibels en la statistica.