Infurmaziun da la publicitad
Decisiuns d'interess public
Tenor l'art. 5 al. 1 da l'Ordinaziun davart l'infurmaziun da la publicitad tras las autoritads giudizialas (OIP; DG 173.520) las dretgiras regiunalas publitgeschan decisiuns d'interess public en furma anonimisada en l'internet.
- Decisiun da la Dretgira regiunala Partenz/Tavau dals 23 da schaner 2025:
Scadenza da dretg da construcziun / restituziun dal bain immobigliar dal dretg da construcziun; nr. da referenza 115-2023-27. (disponibel mo en tudestg) - Sentenzia da la Dretgira regiunala Plessur dals 3 da fanadur 2025:
Crims cunter la LNarc etc.; nr. da referenza 515-2025-1. (disponibel mo en tudestg) - Decisiun da la Dretgira regiunala Partenz/Tavau dals 18 da settember 2025:
Represchentanza legalmain valaivla d'ina partida a la tractativa da mediaziun e nagina sanaziun tras l'approvaziun posteriura; n. d'incarto 115-2024-9. (disponibel mo en tudestg) - Decisiun intermediara da la Dretgira regiunala Partenz/Tavau dals 30 d'ottober 2025:
Cumpetenza per territori, sche la partida A inoltrescha in plant da divorzi a la dretgira X e la partida B inoltrescha in tal a la dretgira Y; nr. da referenza 135-2025-379. (disponibel mo en tudestg)
Publicaziun da las decisiuns
Tenor l'art. 5 al. 2-4 OIP, las dretgiras regiunalas exponan publicamain tar la chanzlia respectiva il rubrum ed il dispositiv da tut las decisiuns dal mais precedent che han manà a fin la procedura. Quel vegn fatg durant 15 dis a partir dals 15 da mintga mais.
Tgi che vul prender invista da las decisiuns menziunadas sto s'annunziar per telefon tar la chanzlia respectiva da la dretgira, sa legitimar al lieu e dar suatientscha a las directivas da la chanzlia. En spezial èsi scumandà da far copias, fotografias u chaussas sumegliantas (art. 5 al. 5 OIP).