Wappen Graubünden

Justiz Graubünden

Giustia dal Grischun

Giustizia dei Grigioni

Maletg simbolic: egliers sin tastatura e broschuras

Infurmaziuns

Giurisdicziun gratuita

Ils custs da process vegnan adossads a la partida perdenta (art. 106 cpv. 1). Tenor art. 117 CPC ha üna persuna il dretg da survgnir la giurisdicziun gratuita, scha ella nun ha ils mezs finanzials necessaris e scha sia pretaisa giuridica nu para dad esser invana. Per inoltrer üna dumanda da giurisdicziun gratuita giavüschains da druver quist formuler (» Link).

Mediaziun oblicatorica

Avant cha las bleras questiuns da dret civil rivan pro la Dretgira, stöglian ellas passar üna procedura da mediaziun davant l’uffizi da mediaziun, l’autorità da mediaziun per dumondas da locaziun o l’autorità da mediaziun per dumondas d’egualità pro questiuns davo ledscha d’egualità dal dret federal.

Dret ereditari

Avertüra dal testamaint / contrat da ierta

As chatta pro la mort dal testader üna disposiziun testamentara (ed/o contrat da ierta), es quella tenor art. 556 CCS da consegnar immediatamaing a la Dretgira, e quai eir schi’s es da l’avis cha quella es invalabla. Minchün chi ha tut in deposit o chatta üna disposiziun tanter la roba da’l testader, es persunalmaing respuonsabel dad accumplir seis oblig, apaina ch’el ha tut cugnuschentscha da la mort dal testader.

Attest d‘eredità

Tenor art. 567 al. 1 CCS importa il termin per refüsar la ierta 3 mais. Quist temp cumainza pels iertavels legals, fintant ch’els nu pon cumprovar d‘avair tschüff plü tard cugnuoschentscha da la ierta, da quel mumaint, ch’els sun gnüts a savair da la mort dal testader, e pels iertavels instituits, da quel mumaint ch'els han survgni la commumicaziun ufficiala da la disposiziun cha'l testader a fat a lur favur. In consideraziun da quistas disposiziuns legalas, rendaina attent als iertavels, cha l’attest d’eredità po pür gnir mis oura davo la scadenza dal termin da 3 mais daspö la cugnuoschentscha da la mort, resp. da la disposiziun testamentara. Per scurznir il termin, han ils iertavels la pussiblità da confermar a la Dretgira, ch’els desistan sül dret da refüsar la ierta dal testader.

» Dumonda per ün attest d'eredità (per tudais-ch)  

Cumprovas preventivas

Tenor art. 158 al. 1 CPC examinescha la Dretgira da tuot temp las cumprovas, scha: - la ledscha conceda ün dret correspundent; - la partida petenta fa valair vardaivlamaing cha las cumprovas sun periclitadas o chi da ün interesse degn da gnir proted. Dimena sto esser preschaint üna periclitaziun da las cumprovas, voul dir il privel sto esser qua, cha cumprovas giajan a perder, p.ex. tras destrucziun, allontanamaint, donnagiamaint, müdamaint (p.ex. tras lavurs da construcziun sur o suot terra, lavurs da chavar, transports da material, tagl da laina, vandalissem etc.).

Scumond güdicial

Chi chi ha drets reals sün üna parcella, po far üna dumonda pro la Dretgira, cha mincha disturbi da possess es d’interlaschar e cha surpassamaints vegnan sün pretaisa chastiats cun üna multa da fin fr. 2‘000.-. Il scumond po esser limità o illimità (art. 258 al. 1 CPC).

» Dumonda per ün scumond güdicial (per tudais-ch)

Ensi