Plazzas libras
Practicum giuridic
Sche Vus avais in diplom da master en giurisprudenza (MLaw) u in diplom equivalent, sche Vus As interessais per il dretg constituziunal, administrativ sco era per il dretg d’assicuranza sociala e sche Vus avais plaschair da la retschertga e da la redacziun giuridica, avais Vus la pussaivladad d'As annunziar per in praticum. Quest praticum è renconuschì sco preparaziun dals examens per acquistar l'attest grischun da qualificaziun per advocatas ed advocats (art. 10 da la lescha davart las advocatas ed ils advocats dals 14 da favrer 2006) [DG 310.100]).
La Dretgira administrativa offrescha duas plazzas da practicum a temp limità per semester.
Ils praticums pon mintgamai vegnir fatgs durant las periodas dal 1. da schaner fin ils 30 da zercladur e dal 1. da fanadur fin ils 31 da december. Premessas vegnan bunas qualificaziuns professiunalas, ina moda da lavurar independenta ed exacta, enconuschientschas da la EED sco era discreziun.
Actualmain èn anc da occupar las plazzas per il 1. semester 2024 e per il 2. semester 2024. Annunzias per il 1. semester 2024 vegnan prendidas encunter gugent fin ils 30 da settember 2023, quellas per il 2. semester 2024 fin ils 31 da mars 2024.
Ils documents d'annunzia van inoltrads a la Dretgira administrativa per mauns da la Vicepresidenta. Ulteriuras infurmaziuns dat la chanzlia (tel. 081 257 39 89).