Wappen Graubünden

Justiz Graubünden

Giustia dal Grischun

Giustizia dei Grigioni

Maletg simbolic: handy sin pagina cun offertas da plazzas

Plazzas libras

La Dretgira chantunala tschertga ina incumbensada / in incumbensà d’infurmaziun per las dretgiras Grischunas |

Entrada en plazza: 1 october 2024 u tenor cunvenga

Lieu da lavur: Cuira

Termin d'annunzia: 30 d'avrel 2024

Praticum giuridic tar la Dretgira superiura dal chantun Grischun

Tar la Dretgira superiura dal chantun Grischun – fin la fin 2024 Dretgira chantunala e Dretgira administrativa dal chantun Grischun – dati a partir dal 2025 la pussaivladad dad absolver in practicum d'in onn. I dat quatter plazzas per onn.

 

Il practicum po vegnir cumenzà l'1 da schaner, l'1 da fanadur u tenor cunvegna. El vegn sutdivisà en duas periodas da medema durada. Ina vegn absolvida en la domena dal dretg administrativ e d'assicuranzas socialas e l'autra en la domena dal dretg civil, penal e dretg da scussiun e da concurs.

 

Vus survegnis dimena invista en ils differents champs da la giurisdicziun da la Dretgira superiura, ramassais experientscha en la redacziun da decisiuns giudizialas ed emprendais ad enconuscher ils decurs da la dretgira. En quest connex lavurais Vus ensemen stretgamain cun ils actuars e las actuaras sco er cun ils derschaders e las derschadras. Tar Vossas incumensas tutga la participaziun ad audiziuns, l'elavuraziun da cas, sco er la redacziun da decisiuns tenor cunvegna cun la direcziun da la procedura.

 

Sche Vus avais in diplom da master en giurisprudenza (MLaw) u in diplom equivalent, sche Vus As interessais per ils secturs da dretg da la giurisdicziun da la la Dretgira superiura dal chantun Grischun (dretg civil e penal, dretg da procedura civila e penala, dretg da scussiun e da concurs sco er il dretg constituziunal, administrativ e d’assicuranza sociala) e sche Vus avais plaschair da la retschertga e da la redacziun giuridica, avais Vus la pussaivladad d'As annunziar per in praticum. Premessas vegnan bunas qualificaziuns professiunalas, ina moda da lavurar autonoma ed exacta, enconuschientschas d'applitgader dal PC sco era discreziun.

 

Il praticum tar la Dretgira superiura dal chantun Grischun è renconuschì sco preparaziun dals examens per acquistar l'attest grischun da qualificaziun per advocatas e per advocats (art. 10 da la Lescha davart las advocatas ed ils advocats dals 14 da favrer 2006 [LAdv; DG 310.100]).

 

Las annunzias ston vegnir inoltradas ensemen cun ils documents usitads a la Dretgira chantunala per mauns dal president, Remo Cavegn (info(at)kg.gr.ch; Poststrasse 14, 7000 Cuira). Infurmaziuns pli detagliadas davart las cundiziuns d'engaschament e davart l'occupaziun per ils proxims semesters dat Riccarda Juon, scheffa da chanzlia da la Dretgira chantunala (tel. 081 257 39 68).

Ensi