Wappen Graubünden

Justiz Graubünden

Giustia dal Grischun

Giustizia dei Grigioni

Maletg simbolic: egliers e stilograf cun cudesch da leschas avert

Permissiun al practicum

A praticantas giuridicas ed a praticants giuridics che stattan sut la surveglianza d'ina advocata u d'in advocat inscrit en il register da las advovatas e dals advocats po la Cumissiun da surveglianza conceder - suenter ina pratica da 2 mais - ina permissiun per sa preschentar davant dretgira, davant las autoridads da mediaziun ed en proceduras d'inquisiziun penala. La permissiun al praticum vegn concedida per trais onns. Per motivs impurtants po ella vegnir prolungada per maximalmain dus onns. La permissiun po vegnir refusada u retratga, sche l'advocata u l'advocat u la persuna che duai vegnir admessa ha violà grevamain las reglas da la professiun.

» Register da las permissiuns al practicum

Dumonda

Per emetter ina permissiun al praticum vegn messa a quint ina taxa da CHF 100.00 (art. 9 al. 1 lit. k da l'Ordinaziun davart las advocatas ed ils advocats dals 20 da zercladur 2006 [DG 310.200]). La dumonda sto vegnir inoltrada ensemen cun ils documents necessaris a la Cumissiun da surveglianza.

» Dumonda permissiun da praticum (disponibel be en tudestg e talian)

Ensi