Wappen Graubünden

Justiz Graubünden

Giustia dal Grischun

Giustizia dei Grigioni

Maletg simbolic: detagl da seiv cun dretgira adminstrativa el fund

Cumposiziun e cumpetenzas da las chombras

En general

La Dretgira decida adina en ina cumposiziun da tschintg davart recurs cunter decisiuns da la regenza e dal cussegl grond, davart recurs cunter decrets legislativs sco era davart dumondas giuridicas d’impurtanza fundamentala u sin ordinaziun da la parsura u dal parsura. Ella decida en cumpetenza da derschadra singula u da derschader singul, sche la valur en dispita na surpassa betg CHF 5'000.00 e sch'i n'è betg prescrit in gremi da tschintg, sco ora sch'in med legal è evidentamain inadmissibel u è evidentamain motivà u unmotivà. En ils ulteriurs cas decida la dretgira cun trais derschadras u derschaders. A l’intern è la dretgira administrativa dividida en tschintg chombras. Questas èn repartidas tenor secturs da cumpetenza sco suonda: dretg fiscal (A), dretg d’assicuranza sociala (S), dretg da planificaziun territoriala (R), ulteriur dretg administrativ e processual (U) e dretg constituziunal (V).

1. Chombra

Parsura: Audétat

Assessurs: von Salis e Righetti u Pedretti en alternanza

 

Cumpetenta per:

  • dretgs politics
  • dimora, domicil, dretg da burgais
  • polizia da persunas estras
  • polizia da mastergn
  • acquist da bains immobigliars tras persunas a l'exteriur
  • concessiuns
  • ulteriura polizia
  • dretg dal persunal
  • dretg da notariat
  • educaziun e cultura
  • dretg davart las vias
  • submissiuns, economia da las auas, servetschs publics
  • chaussas publicas
  • responsabladad dal stadi
  • mesiras da sustegn economic
  • princip da transparenza
  • ulteriur dretg administrativ

2. Chombra

Parsura: von Salis

Assessurs: Righetti e Zanolari Hasse

 

Cumpetenta per:

  • assicuranza per vegls e survivents
  • assicuranza cunter accidents
  • assicuranza cunter la dischoccupaziun
  • prevenziun professiunala
  • prestaziuns supplementaras, urden da cumpensaziun dal gudogn
  • supplements da famiglia
  • agid a victimas

3. Chombra

Parsura: Pedretti

Assessurs: von Salis e Righetti

 

Cumpetenta per:

  • assicuranza d'invaliditad
  • assicuranza da malsauns (inclusas las assicuranzas da malsauns cumplementaras tenor la LCA)
  • assicuranza militara
  • fatgs da sanadad
  • agid social
  • giurisdicziun gratuita

4. Chombra

Parsura: Righetti

Assessurs: Brun ed Audétat

 

Cumpetenta per:

  • taxas
  • taxas da cumpensaziun
  • perimeter ed ulteriuras contribuziuns
  • taglias chantunalas e communalas
  • taglia federala directa
  • taglia da baselgia
  • taxas da giasts, taxas d'alloschament e taxas per promover il turissem
  • expropriaziun
  • valitaziun uffiziala
  • agid en cas da catastrofas, pumpiers, protecziun civila
  • dretg d'advocatura

5. Chombra

Parsura: Brun

Assessurs: Audétat e Pedretti

 

Cumpetenta per:

  • construir ordaifer las zonas da construcziuns (EOZ)
  • dretg da construcziun
  • protecziun da la natira, da la patria e da monuments
  • planisaziun locala
  • protecziun da l'ambient e da las auas
  • dretg forestal
  • donns vi d'edifizis e donns elementars
  • agricultura
  • construcziun da vias e construcziun idraulica
  • register funsil
Ensi