Wappen Graubünden

Justiz Graubünden

Giustia dal Grischun

Giustizia dei Grigioni

Maletg simbolic: stilograf sin ina pagina cun text

Cumissiuns d'expropriaziun

Tenor l'art. 21 LCExp surveglia la dretgira administrativa las cumissiuns d'expropriaziun. Per tut ils cas d'expropriaziun che vegnan avant en in circul d'expropriaziun elegia la regenza ina cumissiun d'expropriaziun.

La cumissiun d'expropriaziun decida spezialmain davart (art. 20 LCExp):

  • l'effectiv e la dimensiun dal donn che resulta dal scumond d'expropriaziun,
  • la dumonda d'extensiun da l'exproprià e da l'expropriant,
  • ils dretgs contestads,
  • il gener e la dimensiun da l'indemnisaziun d'expropriaziun,
  • l'enviament anticipà en il possess e las mesiras colliadas cun quai,
  • las pretensiuns posteriuras,
  • la dimensiun da l'indemnisaziun tar la renunzia da l'expropriaziun,
  • la pussaivladad dal dretg da restituziun e la dimensiun d'ina eventuala recumpensa,
  • las pretensiuns d'indemnisaziun pervia da causals sumegliants a l'expropriaziun (expropriaziun materiala),
  • las pretensiuns d'indemnisaziun posteriuras, sche la procedura d'expropriaziun n'è betg vegnida fatga u sch'ella n'è betg vegnida fatga cunter il donnegià,
  • l'existenza d'ina expropriaziun materiala.

 

 

Ensi