Post da mediaziun e dretgira da cumpromiss
Tenor la lescha introductiva tar la procedura da mediaziun e la procedura avant la dretgira da cumpromiss tenor il dretg federal d'assicuranza sociala dals 31 d'avust 2006 (LItPMC; DG 370.300) èn il post da mediaziun e la dretgira da cumpromiss segund il dretg federal d'assicuranza sociala (DAS) organisatoricamain suttamess a la dretgira administrativa.
La dretgira da cumpromiss DAS giuditgescha cuntraversas tranter assicuraders e furniturs da prestaziuns, per ils quals il dretg federal d'assicuranza sociala prevesa ina procedura correspundenta, in dals secturs da l'assicuranza da malsauns (art. 89 LAMal), d'accidents (art. 57 LAA), d'invaliditad (art. 26 al. 4 e 27bis LAI) e militara (art. 27 LAM). La dretgira da cumpromiss sa cumpona d'ina persuna neutrala che presidescha la dretgira, e mintgamai d'ina represchentanza da las assicuranzas e dals furniturs da prestaziuns pertutgads.
A la procedura avant la dretgira da cumpromiss sto preceder ina procedura da mediaziun avant il post da mediaziun, nun ch'ina instanza da mediaziun, ch'è vegnida engaschada tras in contract, saja gia stada en funcziun.
Indemnisaziuns, taxas ed expensas en daner blut dal post da mediaziun e da la dretgira da cumpromiss èn regladas en l'ordinaziun correspundenta decretada da la dretgira administrativa.
Post da mediaziun
Mediatura: lic. iur. Nicole Mengiardi, Cuira
Suppleanza: lic. iur. Chasper Vital, Cuira
Adressa dal post da mediaziun: Hartbertstrasse 1, 7001 Cuira
Dretgira da cumpromiss
Presidenta: Dr. iur. Ramona Pedretti, LL.M., Cuira
Suppleanza: lic. iur. Elisabeth von Salis, Maiavilla
Adressa da la dretgira da cumpromiss: Obere Plessurstrasse 1, 7000 Cuira