Contact e lieu

Dretgira administrativa dal Chantun Grischun

Obere Plessurstrasse 1

7000 Cuira

Tel. 081 257 39 90

» map.geo.admin.ch (charta swisstopo)

» openstreetmap.org (planisader da rutas)

» maps.google.com (planisater da rutas)

Uras d'avertura per il public

08.00 - 12.00

13.30 - 17.00

Indicaziun per inoltrar actas giuridicas

I n'è betg admess d'inoltrar actas giuridicas, dumondas u autras communicaziuns a maun d'in normal e-mail, fax u en ina furma sumeglianta. Cun quests meds da communicaziun na pon betg vegnir effectuads acts processuals valaivels.

E-mail a la dretgira administrativa

La dretgira administrativa prenda enconuschientscha da dumondas, da supplicas e d’autras communicaziuns che vegnan fatgas per e-mail senza esser ordinadas. Ella entra dentant mo en acziun en cas d’inoltraziuns che vegnan tramessas ad ella per posta u consegnadas persunalmain. Per l’observanza dal termin na basta la spediziun per e-mail vinavant betg.

Exceptadas da quai èn cuntraversas che sa resultan d’assicuranzas supplementaras a l’assicuranza da malsauns sociala (art. 85 da la Lescha federala davart la surveglianza da las assicuranzas, [LSA; CS 961.01]) sco era talas che reguardan ils surpassaments davant las autoritads administrativas (art. 357 da la Lescha davart la procedura penala federala, [PP; CS 312.0]). Dapi il 1. da schaner 2011 pon quellas vegnir inoltradas electronicamain a la dretgira administrativa (cfr. Ordinaziun davart la transmissiun electronica en il rom da proceduras civilas e penalas sco era da proceduras da scussiun, [OTEI; CS 272.1]).

Per inoltrar documents electronics è endrizzada ina chascha da brevs electronica sin la plattafurma da transmissiun utilisada da la dretgira administrativa (IncaMail, La Posta Svizra SA).

Infurmaziuns

Infurmaziuns davart proceduras vegnan dadas mo a las partidas, a lur represchentanza sco er ad ulteriuras persunas legitimadas ch'èn participadas a la procedura. La Dretgira administrativa na fa naginas cussegliaziuns giuridicas per telefon e na fa er naginas recumandaziuns, sch'ins tscherna in'advocata u in advocat.