Wappen Graubünden

Justiz Graubünden

Giustia dal Grischun

Giustizia dei Grigioni

Maletg simbolic: detagl da seiv cun dretgira adminstrativa el fund

Contact e lieu

Dretgira administrativa dal Chantun Grischun

Obere Plessurstrasse 1

7000 Cuira

Tel. 081 257 39 90

Uras d'avertura per il public

08.00 - 12.00

13.30 - 17.00

 

» E-Mail a la DA

» Google Maps

Funcziuns

Giurisdicziun constituziunala, administrativa e d’assicuranzas

La dretgira administrativa, la quala ha prendì si sia lavur il 1. da schaner 1969, è in organ da la terza pussanza dal stadi e s'occupa sco autoritad giudiziala per constituziun e per lescha cun la giurisdicziun sin il sectur dal dretg public. La caracteristica da la giurisdicziun administrativa è la controlla giuridica d'autoritads statalas sin proposta dals pertutgads. Tras quai vul ins cuntanscher la garanzia dal princip da l'administraziun legitima e da la protecziun dal burgais cunter abus ed errurs dal stadi. Sco mintga dretgira decida la dretgira administrativa a moda independenta e n'è betg suttamessa a directivas d'auters organs statals.

 

Ils secturs da dretg ch'èn suttamess a la cumpetenza da la dretgira administrativa dal Grischun s'extendan dal dretg communal al dretg chantunal originar e delegà fin tar il dretg federal. Sco davosa instanza chantunala giuditgescha la dretgira disposiziuns e decisiuns da las vischnancas e d'autras corporaziuns da dretg public, da numerus uffizis e departaments chantunals, dals organs da las assicuranzas socialas sco era per part da la regenza.

 

A la dretgira administrativa èn transferidas la giurisdicziun constituziunala, administrativa e d’assicuranzas en il chantun Grischun. L’organisaziun, la structura e las differentas funcziuns èn regladas en la constituziun chantunala, en la lescha davart l'organisaziun giudiziala, en la lescha davart la giurisdicziun administrativa, en l'ordinaziun davart l'organisaziun da la dretgira administrativa, sco era en l'ordinaziun davart las taxas ed expensas en daner blut da la dretgira administrativa.

 

L’autoritad electorala è il cussegl grond. La durada d’uffizi importa quatter onns. Il cussegl grond ha elegì l’emprima giada ils 24 da matg 1968 ils indesch commembers giudizials da la dretgira administrativa. A partir dals 1. da schaner 2009 sa cumpona la dretgira nov da tschintg derschaders e derschadras en uffizi cumplain. La dretgira elegia sias actuaras e ses actuars. En il decurs dals onns è il sectur da cumpetenza vegnì schlargià e la furma d’organisaziun è vegnida adattada a moda correspundenta.

Ensi