Dretgira chantunala dal Grischun
La Dretgira chantunala (correspunda en auters chantuns a la Dretgira superiura) è sco autoritad giudiziala superiura – sin il medem stgalim sco la Dretgira administrativa – responsabla per la giurisdicziun sin ils champs dal dretg civil, dal dretg penal, dal dretg da scussiun e dal dretg da concurs, sco per part era per il dretg administrativ ed il dretg penal administrativ.
Incumbensas e funcziuns
- sco instanza da recurs (per appellaziun u recurs): examinar decisiuns dad instanzas pli bassas
- survegliar la gestiun e l'administraziun da la giustia dad instanzas pli bassas (Dretgira chantunala da mesiras repressivas, dretgiras regiunalas, autoritads da mediaziun, uffizis da scussiun e concurs)
- suletta instanza chantunala per tscherts fatgs civils (cf. artt. 5 e 8 CPC)
- autoritad centrala chantunala per assistenza giudiziala en fatgs civils e commerzi