Wappen Graubünden

Justiz Graubünden

Giustia dal Grischun

Giustizia dei Grigioni

Maletg simbolic: maun femna scriva en agenda cun stilograf

Circularas

La chombra da surveglianza da la giustia po dar instrucziuns generalas ad instanzas pli bassas da la procedura civila e penala. La medema cumpetenza ha – sco autoritad da surveglianza da las scussiuns e dals concurs – la chombra da scussiun e da concurs envers las autoritads d'execuziun (uffizis da scussiun, uffizis da concurs, administraziuns da concurs extrauffizialas, curaturas e curaturs). Instrucziuns generalas en dumondas che concernan mo l'administraziun giudiziala èn senz'auter liantas per las instanzas pli bassas. Per il solit na tangheschan ellas betg directamain la posiziun giuridica da las partidas e na vegnan perquai betg publitgadas en quest lieu.

 

En il sectur da la giurisdicziun vegnan instrucziuns relaschadas en furma da circularas. I sa tracta qua da directivas e d'agids orientads a la pratica, senza caracter da lescha, che han l'intent da cuntanscher pli svelt ed en moda pli fidada ina interpretaziun unitara ed in'applicaziun unifitgada dal dretg.

  • Kreisschreiben 2009-08-18.pdfCirculara dal 18 avust 2009 da l'autoritad da surveglianza da las scussiuns e dals concurs concernent las directivas per calcular il minimum d'existenza (basegn existenzial) tenor l'art. 93 LSC (per tudestg u talian).
  • Kreisschreiben 2011-02-08.pdfCirculara dal 08 favrer 2011 da l'autoritad da surveglianza da las scussiuns e dals concurs concernent l'execuziun d'ina sequestraziun e concernent la sequestraziun a distanza (per tudestg u talian).
Ensi