Contact e lieu
Dretgira chantunala dal Grischun
Poststrasse 14
7001 Cuira
Tel. +41 81 257 39 68 (naginas infurmaziuns da dretg)
Uras d'avertura per il public
08:00 - 11:30
14:00 - 16:30
Indicaziun per inoltrar actas giuridicas
I n'è betg admess d'inoltrar actas giuridicas, dumondas u autras communicaziuns a maun d'in normal e-mail, fax u en ina furma sumeglianta. Cun quests meds da communicaziun na pon betg vegnir effectuads acts processuals valaivels.
Correspundenza giuridica electronica - inoltraziuns segiras per e-mail
Dapi il 1. da schaner 2011 han las partidas sco er las advocatas ed ils advocats la pussaivladad da communitgar cun las dretgiras e cun autras autoritads giudizialas sin via electronica (art. 130 CPC, art. 110 CPP, art. 33a LSC [mo en tudestg u talian]). Las modalitads per la correspundenza giuridica electronica èn regladas en l'Ordinaziun CS 272.1 (mo en tudestg u talian).
La Dretgira chantunala n'è perentant betg obligada da respunder sin via electronica. Tant enavant ch'i na resulta nagut auter da la legislaziun u da la giurisdicziun, pertutga la correspundenza giuridica electronica en il chantun Grischun ad interim mo la retschavida d'inoltraziuns, dentant betg la consegna da decisiuns, da disposiziuns processualdirectivas, da citaziuns e.u.v. tras dretgiras ed autoritads.
Infurmaziuns
Infurmaziuns davart proceduras vegnan dadas mo a las partidas, a lur represchentanza sco er ad ulteriuras persunas legitimadas ch'èn participadas a la procedura. La Dretgira chantunala na fa naginas cussegliaziuns giuridicas per telefon e na fa er naginas recumandaziuns, sch'ins tscherna in'advocata u in advocat.