Wappen Graubünden

Justiz Graubünden

Giustia dal Grischun

Giustizia dei Grigioni

Maletg simbolic: handy sin pagina cun offertas da plazzas

Plazzas libras

Actualmain n'hai naginas plazzas libras.

Praticum giuridic

Sche Vus avais in diplom da master en giurisprudenza (MLaw) u in diplom equivalent, sche Vus As interessais per il dretg civil e penal, per il dretg da procedura civila e penala sco er per il dretg da scussiun e da concurs e sche Vus avais plaschair da la retschertga e da la redacziun giuridica, avais Vus la pussaivladad d'As annunziar per in praticum. Quest praticum è renconuschì sco preparaziun dals examens per acquistar l'attest grischun da qualificaziun per advocatas e per advocats (art. 10 da la lescha davart las advocatas ed ils advocats dals 14 da favrer 2006 [DG 310.100]).

 

Ils praticums pon mintgamai vegnir fatgs durant las periodas fixas dal 1. da schaner fin ils 30 da zercladur e dal 1. da fanadur fin ils 31 da december. Premessas vegnan bunas qualificaziuns professiunalas, ina moda da lavurar independenta ed exacta, enconuschientschas da la EED sco er discreziun.

 

Las annunzias ston vegnir inoltradas ensemen cun ils documents usitads a la dretgira chantunala per mauns dal president. Infurmaziuns pli detagliadas davart las cundiziuns d'engaschament e davart l'occupaziun per ils proxims semesters dat la scheffa da chanzlia (tel. 081 257 39 68).

Ensi