Wappen Graubünden

Justiz Graubünden

Giustia dal Grischun

Giustizia dei Grigioni

Maletg simbolic: cudeschs da leschas cun egliers e stilograf

Retenziun (art.283 f.LSC)

Il dretg da retenziun dal locatatur, é in dretg da pegn legal da bains, movibels, che sa chattan en las localitads da tschains. Il dretg da retenziun vala mo per locals commerzials (art. 268-268b DO). Il dretg da retenziun da la cuminanza da proprietaris en condomini é in'excepziun (art. 712 CCs).

 

Cuntegn dal dretg da retenziun én en general objects movibels, che sa chattan en las localitads da tschains. Ils objects ston ultra da quai tutgar al endrizzament u al diever da las localitads da tschains. Era magasins e parcadis én part da la localitad da tschains, sche quai é inditgà uschia en il contract da locaziun..

 

Locaturs da locals commerzials han il dretg da retenziun durant ils tschains annuals e durant ils tschains dal mez onn current. La calculaziun dal tschains é il davos datum da pajaments scrits en il contract avant validaziun dal dretg da retenziun. Vegn la retenziun pretendida avant ils davos tschains, sto il creditur mussar si, che il debitur vul midar lieu da domicil u manar davent objects ord las localitads da tschains.

 

La dumonda per l'admissiun d'in inventari dals objects pertutgads d'in dretg da retenziun é da tschentar agl uffizi, nua che las localitads sa chattan. Igl uffizi da scussiun pren alura si igl inventari dals objects pertutgads, e trametta questa a las partidas (creditur/debitur). L'admissiun d'in inventari dals objects pertutgads d'in dretg da retenziun é ina mesira da segiranza e vegn manada tras senza resguard sin moratori u vacanzas da scussiun. Ils objects en igl index én documentà cun retenziun, quai vul dir il locatari dastga bétg prender objects ord las localitads da tschains.

 

Per il dretg da retenziun sco mesira da segiranza, sto il creditur prosecuar entaifer diesch dis suenter retschaviment dal inventari dals objects pertutgads d'in dretg da retenziun, uschiglio croda la retenziun fin lura.

Ensi